Шупашкартан Питĕре çитсе килесси те халĕ йывăрлăх мар. Регионсем хушшинчи авиарейссен программипе килĕшÿллĕн, Тĕп хуламăртан Питĕре самолет эрнере виçĕ хут - тунти кун, юн кун тата эрне кун- 16 сехет те 40 минутра вĕçет. Питĕрти «Пулково» аэропорта 18 сехет те 50 минутра çитет. Питĕртен Шупашкара вара самолет 14 сехет те 5 минутра вĕçет, тĕп хуламăра 15 сехет те 40 минутра çитет. Çавăн пекех, Шупашкартан Мускава та самолетпа вĕçме пулать. Кашни кун ирхи 6 сехет те 40 минутра самолет Мускава çул тытать, каçхи 11 сехет те 40 минутра вара каялла таврăнать.